Tadqiqot mamlakatimizda faoliyat yuritayotgan chet tili o`qituvchilarining umumevropa kompetensiyalari (CEFR)ga oid hujjatlar va o`quv materiallari, xususan, Yevropa til portfoliosida nazarda tutilgan ta`lim texnologiyalaridan foydalanish darajasini aniqlash maqsadida olib borildi. Tadqiqotda anketa so`rovnoma va matematik-statistik tahlil metodlaridan foydalanilgan. Tadqiqot natijalariga ko`ra Umumevropa kompetensiyalari tamoyillarini manfaatdor tomonlarga yanada samarali yetkazib berish uchun Yevropa til portfoliosi modelini taklif etish zarurati aniqlangan va asoslangan. Maqolada shuningdek, chet tillarni o`qitish va o`rganishda Yevropa til portfoliosi texnologiyasining imkoniyatlari yoritilib, O`zbekiston sharoitida ushbu texnologiyani qo`llashga bo`lgan ehtiyoj empirik tadqiqot yordamida o`rganilgan