Datu-babesaren arautzea Europar Batasunean eta Espainian: garapena eta egungo markoa
DOI:
https://doi.org/10.26876/uztaro.116.2021.6Gako-hitzak:
Datu-babesa, DBEO, Europar Batasuna, Adostasuna, Datuentitularren eskubideakLaburpena
Etengabeko garapena izan du datuen babeserako eskubideak, bai eta haren arautzeak ere. Teknologia berriek eta gure datu pertsonalak arriskuan jartzeko modu berriek hala bultzatuta, datu-babesari buruzko arautze bat eraikitzen saiatu ziren, besteak beste, Europako Kontseiluaren 1981eko Hitzarmena edo 95/46/CE Zuzentaraua, Europako Parlamentu eta Kontseiluarena, urriaren 24koa. Bi dira, egun, eskubide hau arautzen duten arauak: 2016/679 (EB) Erregelamendua, Europako Parlamentu eta Kontseiluarena, 2016ko apirilaren 27koa, Datuak Babesteko Erregelamendu Orokorra, Europar Batasunean, eta 3/2018 Lege Organikoa, abenduaren 5ekoa, Datu Pertsonalak Babesteari eta eskubide digitalak bermatzeari buruzkoa, Espainian. Eskubide hau edukiz betetzea izan dute helburu arau biek ala biek, eta datu-babesari buruzko arautze berri bat ekarri dute: interesdunaren eskubide berriak, Datu Babeserako Ordezkaria, printzipio gehiago (gardentasuna, xedea mugatzea, datuak minimizatzea, adibidez), datuen babesa diseinutik eta lehenetsita, datuen babesari buruzko eraginaren ebaluazioa, etab.